أمل كـــداب

كانت نهاية العالم
لما قالتلي مبحبكش
كنت عايش حلم جميل
فجأة قالتلي محسكتش

ضاعت الدنيا
واتمسكت بأمل ضايع
أنك في يوم ترجع
شاريني ومش بايع

ودار بيّا الزمن
ولفت الأيام
قلبي لسه على حاله
وعيني ولا بتنام

بيجري الدمع من عيني
وخلاص أنا انتهيت
لأنك قولتيلي
عمري ما حسيت

ووسط دا كله
جوايا أمل كداب
بيقولي دا هيرجع
ويحلي مرار العذاب

كان عارف إني من غيره هضيع
قلبه قسي عليا
وقاله سيبه وبيع

حبيبي ..
حبيبي ..
أنا كل يوم بآجي وبترجالك
تعيش معايا الحكاية
وابدأ حياتي معاك

عشت حياتي في ردك نار
وخليتني اتجرع من المُر مَرار

ساعات

ساعات في الفرح
ببقه عاوز ابكي

ساعات لما بكون مع ناس بحبهم
ببقه عاوز اكون لوحدي

ساعات لما بكون محتاج لحد اشكيله همي
بهرب منه قبل ما بشوفه

ساعات ببقه محتاج لحضن يضمني
بس الحضن دا .. للاسف هو اللي جرحني

يا عيني عليكي يا قلوبنا

يا عيني عليكي يا قلوبنا
من الشوق والهوى دوبنا
معدش فينا سليم يداوينا
ولا جريح نبصله ونبوس ايدينا
دي الدنيا كبيرة ومهما مشينا
نطلع ننزل بتلف بينا

أنا اتغيرت

انا انسان زي باقي البشر
من حقي اغلط ودا العادي

ايوه غلطت بس اتغيرت
ونسيت كل اللي كان ماضي

غلطه زمان ودلوقتى بدفع تمنها
زي شبح , طول ما انا عايش هي قصادي

ورجعت اصلح فيه
عشان عمره ما كان كلام فاضي

دي الحقيقه ومليانه جروح
وانا بيها راضي

راضي بحكمك ولو اعدام
بس بالراحه عليا يا سعادت القاضي

على فين بتروح يا بالي

على فين بتروح يا بالي
يا مشقلب حالي وكياني
بتفكر في حاجة تضحكني
ولا في همي اللي بكاني

يا ريت تكون حاجة تضحكني
لأن الجرح قساني
ممكن انساه وينساني

اختيار صعب من زمااااان , اختارني
بس الاختيار مكنش بايدي
وبعت فيها حلمي قدامي

يا ترى يا زمن لو ترجعلي
والفرصه بقت لي من تاني
واخترت فيها حياتي
هاتديهاني
ولا هاتبخل بيها عليا من تاني

ايه جرالك يا دنيا

ايه جرالك يا دنيا
بتييجي وتروحي ف ثانيه
خايف الاقيني هنا وف حته تانيه
ولا يقولولي دا انت مت وف حياتك البقيه
واكمل حياتي حكايه للتسليه
أو ف الماضي منسيه
وحبيبتي ف حضن غيري مرميه
وتقولي انسى وحبيبها يقول: انسيه
ولا اصحابي لما يبيعوا ويشتروا فيا
يدوسوا عليا و ايامنا منسيه
عيونهم معميه
قلوبهم ملهيه
ذكرياتنا منسيه

الصقور والفئران

وتصحو الفئران من ثباتها
لتجد أن الصقور غابت
وأخذتها الشجاعة في الصياح، ونسيت أنها في جلودها ماتت
ونسيت يوم أمس كيف كانت
وتجمعت فإن الشمول تاهت
وامتلأت بطونها بالطعام، وبلحمها الصقور ذاقت
فلا يأخذنك الغرور عاليا، لأن لمثلك الجحور بانت
ولا تنسِ يوما آت
تكون فيه الصقور فاقت

اتغيريتي يا دنيا

اتغيرتي يا دنيا ولا قولتيش
الصبح طلع وماقومتيش
والليل جه وماصحيتيش
فاكره زمان ولا مابتفتكريش
تحبي افكرك ولا مابتحبيش
لامتى هاتفضلي عايشه وانتي ماعشتيش